İstanbul, 14 sentyabr, АZƏRTAC
Türkiyənin Xarici İşlər Nazirliyi Yunanıstanın paytaxtı Afinada yerləşən Türk Hava Yollarının (THY) ofisinə edilmiş hücuma kəskin etirazını ifadə edib.
AZƏRTAC Türkiyə XİN-nin rəsmi saytına istinadla xəbər verir ki, məlumatda Yunanıstanda yerləşən Türkiyə diplomatik nümayəndəliklərinə qarşı da əvvəllər belə hücumların baş verdiyi və bu halların davam etməsinin yolverilməzliyi qeyd olunur.
Məlumatda o da bildirilir ki, hücum “Ruvikonas (Rubicon)” adlı anarxist təşkilatın üzvləri tərəfindən həyata keçirilib. Nazirlik ümid edir ki, Yunanıstanın hüquq-mühafizə orqanları tezliklə hücumu həyata keçirən cinayətkar qrupu məsuliyyətə cəlb edəcək.

Sabir Şahtaxtı
AZƏRTAC-ın xüsusi müxbiri
İstanbul