BMT Təhlükəsizlik Şurası KXDR-ə qarşı yeni sanksiyalar barədə qətnamə qəbul edib
Tokio, 12 sentyabr, AZƏRTAC
BMT Təhlükəsizlik şurası Koreya Xalq Demokratik Respublikasına (KXDR) qarşı onun idxal və ixrac əməliyyatlarını kəskin şəkildə azaldacaq yeni sanksiyaların tətbiqini nəzərdə tutan qətnaməni qəbul edib. Müvafiq sənəd Təhlükəsizlik Şurasının üzvləri tərəfindən yekdilliklə qəbul olunub.
Sənədə əsasən, KXDR-ə neft məhsullarının tədarükünə məhdudiyyətlər qoyulacaq. Eyni zamanda, bu ölkəyə xam neftin göndərilməsi üçün limit də müəyyən edilib. Həmin göstərici son 12 aylıq normanı üstələyə bilməz. KXDR, həmçinin kondensatları və qaz kondensatlarını ala və toxuculuq məhsullarını sata bilməz.
Qətnamədə qeyd edilir ki, BMT Təhlükəsizlik Şurası altıtərəfli danışıqları dəstəkləməyə hazırdı və bu danışıqların bərpasına çağırır. Təhlükəsizlik Şurası, həmçinin dövlətlərin problemi sülh danışıqları yolu ilə hərtərəfli həll etmək təklifini də alqışlayır.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır