×
A
A
A
Sazlamalar

Qazaxda V İdman Festivalının açılış mərasimi olub

Qazax, 20 noyabr, AZƏRTAC

“İdman Paytaxtı” Qazax şəhərində V İdman Festivalının açılış mərasimi keçirilib.
AZƏRTAC-ın bölgə müxbiri xəbər verir ki, əvvəlcə Heydər Əliyev parkında Ulu Öndər Heydər Əliyevin abidəsi ziyarət olunub, önünə gül dəstələri qoyulub.
Mərasimdə Qazax Rayon İcra Hakimiyyətinin başçısı Rəcəb Babaşov, gənclər və idman naziri Fərid Qayıbov, Milli Məclisin deputatı Səməd Seyidov və Azərbaycan Ağırlıqqaldırma Federasiyasının vitse-prezidenti Firdovsi Umudov çıxış ediblər.
2026-cı ilin “İdman səfirləri” Vəfa Musayeva, Aynur Yusufova və Elçin Əsədov festival iştirakçılarına uğurlar arzulayıblar.
Tədbir musiqili proqramla davam edib.
Festivalda müxtəlif idman növləri üzrə idmançıların nümunəvi çıxışları nümayiş etdirilib.
Qeyd edək ki, festival noyabrın 22-də başa çatacaq.

Müxbir - Ruslan Novruzoğlu

Regionlar 2026-11-20 22:42:00