Bakı, 11 noyabr, AZƏRTAC
“Arini Capital Management” şirkətinin ciddi zərərlə qarşı-qarşıya qaldığı bir vaxtda hec-fondun meneceri Həmzə Lemssuger Londonun zəngin Belqraviya rayonunda təxminən 40 milyon funt sterlinq dəyərində malikanə almaqla bağlı razılığa gəlib.
AZƏRTAC “Financial Times”a istindən xəbər verir ki, 36 yaşlı Lemssuger Belqreyv meydanındakı Georgi üslublu “taunhaus”u honkonqlu lüks pərakəndə satış sahibkarı Ser Dikson Pundan təqribən 39 milyon funt sterlinqə almaq üçün alqı-satqı müqaviləsinin mübadiləsini həyata keçirib.
Kraliça Viktoriyanın nəvəsi Konnautlu Şahzadə Artura məxsus olmuş bu malikanəni almaq “Arini”nin çətin maliyyə dövrünə təsadüf edir. Son həftələrdə “Arini” alıcılıq qabiliyyətini artırmaq üçün ona kredit verən bankların marja tələblərini ödəmək məqsədilə iri aktiv satışlardan əldə etdiyi vəsaitlərdən, eləcə də investorlardan cəlb etdiyi yeni kapitaldan istifadə edib.
“Taunhaus”la bağlı sövdələşmə hələ rəsmən yekunlaşmayıb, bu isə o deməkdir ki, razılaşma hələ də pozula bilər. Lakin belə bir ssenari tərəflərdən birinə və ya hər ikisinə ciddi maliyyə itkiləri bahasına başa gələcək.
Bukingem sarayından bir neçə addımlıqda yerləşən Belqreyv meydanı Londonun ən nüfuzlu məkanlarından biridir. 1820–1840-cı illərə aid ağ suvaq fasadlı bu nəhəng “taunhaus”ların hazırkı sakinləri arasında metallurgiya maqnatı Sanciv Quptanın ailəsi, eləcə də Norveç və Almaniya səfirlikləri yer alır.
Punun əmlakı satmaq qərarı onun Böyük Britaniyadakı biznes fəaliyyətini azaltmaq strategiyasının bir hissəsidir.
Qeyd edək ki, Lemssuger artıq London kənarında 400 illik “Tüdor” üslublu malikanəyə də sahibdir. “Arini” hec-fondu isə ilin əvvəlindən bəri öz dəyərinin 32 faizini itirərək bank borclarını bağlamaq üçün əlindəki aktivləri satmağa, investorlardan əlavə pul toplamağa məcbur qalıb. Lakin fondun rəhbəri Həmzə Lemssuger məhz bu çətin dövrdə özünə Londonun ən bahalı yerində 39 milyon funt sterlinqə malikanə alması maliyyə böhranı yaşayan fondla onun qurucusunun şəxsi lüks xərcləri arasındakı kəskin ziddiyyəti göstərir.