Bakı, 5 noyabr, AZƏRTAC

8 Noyabr – Zəfər Günü münasibətilə Azərbaycan Dövlət Pedaqoji Universitetinin Kimya və biologiya fakültəsinin tələbələri və dekan müavini dosent Bəsti Əsədova Zəfər muzeyini ziyarət ediblər.
Universitetdən AZƏRTAC-a bildirilib ki, ziyarət zamanı tələbələr Vətən müharibəsində qazanılmış tarixi Qələbənin əhəmiyyətini əks etdirən eksponatlarla tanış olub, Azərbaycanın ərazi bütövlüyü və suverenliyi uğrunda aparılan mübarizə, şəhidlərimizin qəhrəmanlığı və Azərbaycan Ordusunun şücaəti haqqında ətraflı məlumat əldə ediblər.