Bakı, 28 oktyabr, AZƏRTAC

Azərbaycanın iki basketbol klubu bu gün FIBA Avropa Kubokunda növbəti oyunlarını keçirəcək.
AZƏRTAC xəbər verir ki, H qrupunda yer alan “Neftçi” IV turda Rumıniyanın "Oradya” komandasını qəbul edəcək. Bakı İdman Sarayında təşkil olunacaq görüş saat 17:00-da start götürəcək.
G qrupunda mübarizə aparan “LANDAU Lions” isə Türkiyənin "Dənizli Basket" kollektivi ilə qarşılaşacaq. Bu oyun da Bakı İdman Sarayında keçiriləcək və saat 20:30-da başlayacaq.