Bakı, 22 sentyabr, AZƏRTAC

Azərbaycanın xarici işlər naziri Ceyhun Bayramov BMT Baş Assambleyasının 81-ci sessiyasının prezidenti Xəlilur Rəhman ilə görüşüb.
AZƏRTAC xəbər verir ki, görüş zamanı BMT və digər çoxtərəfli platformalar çərçivəsində əməkdaşlıq, eləcə də qarşılıqlı maraq doğuran regional və beynəlxalq məsələlər ətrafında fikir mübadiləsi aparılıb.
Görüşdə Azərbaycanın Birləşmiş Millətlər Təşkilatının fəaliyyətində fəal iştirakı və aktual qlobal çağırışların həllində çoxtərəfli əməkdaşlığın gücləndirilməsinə verdiyi töhfə vurğulanıb.