Bakı, 21 sentyabr, AZƏRTAC

ABŞ Hərbi Dəniz Qüvvələri İranın dəniz blokadasını bərpa etdiyi vaxtdan bu ölkə ilə əlaqəli 109 ticarət gəmisinin marşrutunu dəyişdirib.
AZƏRTAC xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.
Bildirilib ki, iyulun 14-də bərpa edilən blokada çərçivəsində İran limanlarına gedən və ya oradan çıxan gəmilərin hərəkətinə nəzarət edilir.
Qeyd edək ki, aprelin 13-dən iyunun 18-dək davam edən əvvəlki blokada zamanı 142 gəminin marşrutu dəyişdirilib, qaydalara əməl etməyən 9 gəmi sıradan çıxarılıb və humanitar yardım daşıyan 50-dən çox gəminin keçidinə icazə verilib.