Bakı, 31 avqust, AZƏRTAC

İspaniyanın “Real Madrid” klubu “Rasinq”də çıxış edən 19 yaşlı mərkəz yarımmüdafiəçi Serxio Martinesi heyətinə qatıb.
AZƏRTAC xəbər verir ki, “Rasinq” keçidi rəsmi şəkildə açıqlayıb.
Madrid təmsilçisi futbolçunun müqaviləsində göstərilən 3 milyon avroluq sərbəstqalma məbləğini ödəyib. Martines “Real Madrid” ilə 2030-cu ilədək müqavilə imzalayacaq.
Gənc futbolçunun ilkin mərhələdə “Real Madrid”in ikinci komandası olan “Kastilya”nın heyətində çıxış edəcəyi, eyni zamanda, əsas komanda ilə məşqlərə cəlb oluna biləcəyi bildirilir.
Futbolçu ötən mövsüm “Rasinq”in əsas komandasında Sequndada 10, İspaniya Kral Kubokunda isə 3 oyun keçirib və 1 məhsuldar ötürmə ilə yadda qalıb. O, həmçinin klubun ikinci komandasında İspaniyanın dördüncü divizionunda 17 matçda iştirak edib.
Cari mövsümdə yarımmüdafiəçi La Liqada 2 oyuna çıxıb. O, çempionatın ilk turunda “Vilyarreal”la 2:2 hesablı heç-heçə başa çatan görüşdə komandasının qollarından birinə imza atıb.