London, 10 avqust, AZƏRTAC

Bu gün bir qayıqla La-Manş boğazını keçərək Böyük Britaniyaya rekord sayda - 230 miqrantın çatdığı bildirilir.
AZƏRTAC “GB News”a istinadla xəbər verir ki, miqrantların olduğu iri rezin qayıq gecə saatlarında Fransadan yola çıxıb və səhər tezdən Doverə çatıb. Bununla da bir qayıqla La-Manş boğazını keçən miqrantların sayı üzrə yeni rekord qeydə alınıb. Əvvəlki rekord iyul ayında qeydə alınmışdı. Həmin vaxt bir qayıqla 165 nəfər Böyük Britaniyaya çatmışdı.
Məlumatlara görə, son aylarda insan qaçaqmalçıları qayıqlara daha çox miqrant mindirməyə başlayıblar. Yanvar-iyul aylarında təxminən 14 min nəfər La-Manş boğazını keçərək ölkəyə gəlib.