Tbilisi, 5 avqust, AZƏRTAC

Gürcüstanın iqtisadiyyatı ilə paralel olaraq, valyuta ehtiyatları da artır. İyul ayında ölkənin valyuta ehtiyatları 7,1 milyard dollar təşkil edib. Bu da illik müqayisədə 52 faiz artım deməkdir.
AZƏRTAC xəbər verir ki, bunu Gürcüstanın Baş naziri İrakli Kobaxidze hökumətin iclasında deyib.
Onun sözlərinə görə, bütün bunlar iqtisadi uğurların və Milli Bankın uğurlu fəaliyyətinin nəticəsidir. Həmçinin onların fəaliyyətinin nəticəsi olaraq son aylarda larinin məzənnəsi möhkəmlənib.