Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2021-ci il 20 avqust tarixli 234 nömrəli Qərarı (Azərbaycan Respublikasının Qanunvericilik Toplusu, 2021, № 8, maddə 960 (Cild I); 2024, № 7, maddə 898; 2025, № 12 (II kitab), maddə 1203) ilə təsdiq edilmiş “Donor orqanların transplantasiyasını həyata keçirən ixtisaslaşdırılmış tibb müəssisələrinin Siyahısı”nda aşağıdakı dəyişikliklər edilsin:
1. İkinci sətrə “qaraciyər” sözündən əvvəl “ürək,” sözü əlavə edilsin.
2. Yeddinci sətirdən “Müalicəvi” sözü çıxarılsın və həmin sətrə “sümük iliyi” sözlərindən sonra “, kök hüceyrələri” sözləri əlavə edilsin.

Əli Əsədov

Azərbaycan Respublikasının Baş naziri

Bakı şəhəri, “ 20 ” “ iyul ” 2026-cı il

№ 224