Bakı, 23 iyun, AZƏRTAC

Hazırda qlobal turizm sektoru ciddi dəyişikliklər mərhələsindən keçir.
AZƏRTAC xəbər verir ki, bunu Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Baş katibi Kayrat Sarıbay Bakıda Dövlət Turizm Agentliyi və AQEM Katibliyinin birgə təşkilatçılığı ilə keçirilən “AQEM ölkələrində dairəvi yaşıl turizm” mövzusunda beynəlxalq konfransda çıxışı zamanı deyib.
O bildirib ki, iqlim dəyişiklikləri, ekoloji problemlər, rəqəmsallaşma, səyahət vərdişlərinin dəyişməsi, artan rəqabət və məsuliyyətli turizmə tələbat ənənəvi inkişaf modellərini yenidən formalaşdırır. Belə şəraitdə turizm artıq yalnız iqtisadi fəaliyyət deyil, dayanıqlı inkişafın, mədəni yaxınlaşmanın, icma inkişafının və ekoloji məsuliyyətin strateji alətinə çevrilir.