Tovuz, 9 may, Ruslan Novruzoğlu, AZƏRTAC.

Tovuz rayon mərkəzi kitabxanasının təşkilatçılığı ilə Tovuz Regional ASAN Xidmət Mərkəzində Ulu Öndər Heydər Əliyevin anadan olmasının 102-ci ildönümü ilə əlaqədar "Azərbaycanın özü qədər əbədi" mövzusunda kitab sərgisi təşkil edilib.
AZƏRTAC-ın bölgə müxbiri xəbər verir ki, sərgidə Ümummilli Lider, müasir və müstəqil Azərbaycanın qurucusu və memarı, gələcək nəsillərə əsl örnək olan Heydər Əliyevin zəngin və şərəfli ömür yolunu, çoxşaxəli ictimai-siyasi fəaliyyətini, dövlətçiliyimizin tarixində müstəsna xidmətlərini əks etdirən kitablar nümayiş olunub və vətəndaşlara səyyar kitabxana xidməti də göstərilib.