Bakı, 8 may, AZƏRTAC
Qadın şahmatçılardan ibarət Azərbaycan millisi Avropa çempionatının hazırlığına başlayıb.
Şahmat Federasiyasından AZƏRTAC-a bildiriblər ki, Bakıda ilk məşqlərə qrosmeyster, FIDE məşqçisi Mixail Brodski rəhbərlik edir.
Qeyd edək ki, M.Brodski uzun müddət qadınlardan ibarət Ukrayna komandasının məşqçisi olub. Onun məşqçisi olduğu Ukrayna millisi komandalar arasında dünya və Avropa çempionatının qızıl medalını qazanıb, iki dəfə Ümumdünya Şahmat Olimpiadasının bürünc mükafatına layiq görülüb.