Bakı, 8 may, AZƏRTAC

Aerobika gimnastikası üzrə 9-cu Azərbaycan çempionatı və Bakı birinciliyi start götürüb.
AZƏRTAC xəbər verir ki, Heydər Əliyev adına İdman Konsert Kompleksində təşkil olunan turnirdə gimnastlar müvafiq yaş kateqoriyalarına uyğun olaraq qarışıq cütlük, üçlük və qrup proqramlarında çıxış ediblər.
Qalib gələn gimnastlara medallarla yanaşı, diplom və hədiyyələr təqdim edilib.
Qeyd edək ki, yarışlara mayın 9-da yekun vurulacaq.