Bakı, 23 mart, AZƏRTAC
AFFA-nın sabiq baş katibi, futbol veteranı Çingiz İsmayılov vəfat edib.
AZƏRTAC xəbər verir ki, bu barədə AFFA-nın rəsmi saytı məlumat yayıb.
Qeyd edək ki, 1955–1962-ci illərdə “Neftçi”nin şərəfini qorumuş Çingiz İsmayılov 1986-1994-cü illərdə bu komandanın rəisi vəzifəsində çalışıb. Uzun illər televiziyada futbol şərhçisi kimi fəaliyyət göstərən Ç.İsmayılov 2022-ci ilin dekabrında “Tərəqqi” medalı ilə təltif edilib.