Astana, 23 mart, AZƏRTAC

Qazaxıstanın Karaqanda şəhərində qeyri-adi fləş-mob keçirilib: təxminən 500 nənə qədim ipəyirmə sənətini nümayiş etdirib.
AZƏRTAC “Kazinform”a istinadla xəbər verir ki, tədbir milli geyimli qadınları bir araya toplayıb. Onlar əl ilə yun əyirmək üçün istifadə olunan ənənəvi alət olan “urşıq” ilə işləmə bacarıqlarını nümayiş etdiriblər.
Tamaşaçılar arasında qədim sənəti mənimsəmək istəyən çoxlu gənclər də var idi.
Tədbirin əsas məqsədi gənc nəsil arasında qazax milli ənənələrini və məişət əşyalarını tanıtmaq və populyarlaşdırmaq olub.

Elşən Rüstəmov

AZƏRTAC-ın xüsusi müxbiri
Astana