Naxçıvan, 20 mart, AZƏRTAC

Martın 23-dək Naxçıvan Muxtar Respublikasında gözlənilən küləkli hava şəraiti ilə bağlı sarı xəbərdarlıq verilib.
Naxçıvan Muxtar Respublikası Ekologiya və Təbii Sərvətlər Nazirliyinin Hidrometeorologiya Mərkəzindən AZƏRTAC-ın bölgə müxbirinə verilən məlumatına görə, muxtar respublikada sarı xəbərdarlığa uyğun olaraq fasilələrlə saniyədə 10-15 metr sürətlə qərb küləyi əsəcək, bəzi yerlərdə küləyin sürəti saniyədə 18 metrədək güclənəcək.
Sarı xəbərdarlığa əsasən ictimai təhlükəsizlik, yaşayış sahələri və əmlak üçün orta risk gözlənilir.