Bosniya və Herseqovina ilə müdafiə sənayesi sahəsində əməkdaşlıq müzakirə edilib
Bakı, 18 mart, AZƏRTAC
Martın 18-də Azərbaycan Respublikasının müdafiə sənayesi naziri Vüqar Mustafayev ölkəmizdə rəsmi səfərdə olan Bosniya və Herseqovinanın Nazirlər Şurası sədrinin müavini və müdafiə naziri Zukan Helezin rəhbərlik etdiyi nümayəndə heyəti ilə görüşüb.
Müdafiə Nazirliyinin mətbuat xidmətindən AZƏRTAC-a verilən məlumata görə, nazir qonaqlara Azərbaycanın müdafiə sənayesinin inkişafı, ölkəmizdə istehsal olunan hərbi məhsullar haqqında danışıb, çağdaş dövrün tələblərinə uyğun istehsal müəssisələrinin uğurla fəaliyyət göstərdiyini vurğulayıb. O, Azərbaycanın müdafiə sənayesinin beynəlxalq səviyyədə böyük uğurlara imza atdığını diqqətə çatdırıb.
Z.Helez öz növbəsində Azərbaycanda səfərdə olmaqdan məmnunluğunu ifadə edib, burada qonaqpərvərliklə qarşılandıqlarını bildirib.
O, ölkələrimiz arasında hərbi-texniki sahədə əlaqələrin genişləndirilməsinin önəmli olduğunu vurğulayıb, Azərbaycanın müdafiə sənayesi qurumları ilə qarşılıqlı əməkdaşlığın vacibliyini qeyd edib.
Görüşdə iki ölkə arasında müdafiə sənayesi sahəsində gələcək əməkdaşlıq perspektivləri müzakirə edilib, digər maraq doğuran məsələlər ətrafında fikir mübadiləsi aparılıb.
Əlahiddə Ümumqoşun Orduda hərbi vəzifəlilərlə təlim toplanışı keçirilib VİDEO
Artilleriya bölmələri ilə döyüş atışları keçirilib
Müdafiə Nazirliyinin bir qrup qadın hərbi qulluqçusu Fəxri xiyabanı ziyarət edib
Hərbi pilotlar növbəti təlim-məşq uçuşları keçiriblər
Hərbi vəzifəlilərlə çöl şəraitində praktiki məşğələlər keçirilib VİDEO