Türkiyənin Gümüşhane əyalətində ermənilər tərəfindən qətlə yetirilmiş Hüsnü Səlcukun xatirəsi yad edilib
Ankara, 16 fevral, AZƏRTAC
Türkiyədə Gümüşhane əyalətinin işğaldan azad olunmasının 107-ci ildönümünə həsr olunmuş tədbir keçirilib.
AZƏRTAC xəbər verir ki, tədbir iştirakçıları həmin dövrdə Anadoluda fəaliyyət göstərən erməni quldurları tərəfindən qətlə yetirilmiş xalq-azadlıq mübarizəsinin qəhrəmanlarından biri Hüseyn Hüsnü Səlcukun xatirəsini yad ediblər.
Əyalətin yüzlərlə sakini şəhidin dəfn edildiyi Həsənbəy məhəlləsinə toplaşaraq, qəhrəmanın ruhuna dualar oxuyublar.
Tədbirin proqramı Türkiyə Respublikasının qurucusu və ilk Prezidenti Mustafa Kamal Atatürkün abidəsi önünə çiçəklər qoymaqla davam edib.
Qeyd edək ki, 1916-cı il iyulun 19-da Osmanlı ordusu regionu tərk edəndən sonra Gümüşhane əyaləti Rusiya ordusunun nəzarətinə keçib. Rusiyada baş vermiş “Oktyabr inqilabı”ndan sonra tərəflər arasında bağlanmış razılaşmalara əsasən, Rusiya ordusu əyaləti tərk edib. İkiillik işğal zamanı qanlı cinayətlər törətmiş erməni silahlı dəstələri də Rusiya ordusu ilə birgə əyalətdən qaçıb. 1918-ci il fevralın 15-də Kazım Karabekirin rəhbərliyi altında Osmanlı ordusu Gümüşhaneyə daxil olub.
Ramin Abdullayev
AZƏRTAC-ın xüsusi müxbiri
Ankara
ABŞ Milli Arxivi Kennedinin qətli ilə bağlı sənədləri açıqlayıb
Britaniya hökuməti qənaət tədbirləri çərçivəsində dövlət kredit kartlarını dondurur
Zelenski: Rusiya Sumı, Xarkov və Zaporojye vilayətlərində yeni hücumlara hazırlaşır
NASA-nın 9 ay kosmosda qalan 2 astronavtı yerə qayıdıb
İsveçin iqlim naziri İqlim Siyasəti Şurasının iclasında iştirak etməkdən imtina edib