Roma, 16 fevral, AZƏRTAC
İtaliyalı tennisçi Yannik Sinner üç aylıq müddətə beynəlxalq turnirlərdən diskvalifikasiya olunub.
AZƏRTAC xəbər verir ki, bu barədə Dünya Anti-Dopinq Agentliyi (WADA) məlumat yayıb.
Bildirilir ki, Sinnerin yarışlardan diskvalifikasiya müddəti fevralın 9-dan mayın 4-dək olan dövrü əhatə edəcək. O, aprelin 13-dən etibarən rəsmi olaraq məşqlərə başlaya biləcək.
Hazırda dünya sıralamasında ilk pillədə qərarlaşan Yannik Sinnerin dörd “Masters 1000” turnirində (İndian Uells, Mayami, Monte Karlo və Madrid) iştirak edə bilməyəcək. Lakin o, Rolan Qarrosdan əvvəl mayın 7-dən 18-dək Romada keçiriləcək beynəlxalq turnirdə tennis kortuna çıxacaq.

Nihad Budaqov
AZƏRTAC-ın xüsusi müxbiri
Roma