Roma, 15 fevral, AZƏRTAC
İtaliyanın Baş naziri Ciorcia Meloni ilə Ukrayna Prezidenti Volodimir Zelenski arasında telefon danışığı olub.
AZƏRTAC xəbər verir ki, İtaliya Nazirlər Şurasının məlumatına görə, söhbət zamanı iki lider münaqişəyə son qoymaq, eləcə də ədalətli və davamlı sülhə nail olmaq məqsədilə baş verən son hadisələri müzakirə ediblər.
Ciorcia Meloni gələcək danışıqlar baxımından İtaliyanın Ukraynaya və xalqına dəstəyini bir daha yeniləyib.
Liderlər, həmçinin avropalı tərəfdaşlar və ABŞ ilə sıx koordinasiyanın saxlanılmasının vacibliyi barədə razılığa gəliblər.

Nihad Budaqov
AZƏRTAC-ın xüsusi müxbiri
Roma