Bakı, 10 fevral, AZƏRTAC

Qvatemalada avtobusun dərəyə aşması nəticəsində ölənlərin sayı 51 nəfərə çatıb.
AZƏRTAC xəbər verir ki, bu barədə “Emisoras Unidas” radiostansiyası məlumat yayıb.
Məlumata görə, ölənlərdən 36-sı kişi, 15-i isə qadındır.
Ölənlərin sayının artacağı gözlənilir. Hadisə yerində xilasetmə qrupları işləyir.
Bildirilib ki, qəzaya avtobusun əyləc sisteminin nasazlığı səbəb olduğu ehtimal edilir.