Bakı, 9 fevral, AZƏRTAC

Serbiyanın paytaxtı Belqradda keçirilən boks üzrə beynəlxalq turnir start başa çatıb.
Azərbaycan Boks Federasiyasından AZƏRTAC-a verilən məlumata görə, yarışa 6 idmançı ilə qatılan Azərbaycan millisinin hər bir üzvü fəxri kürsüyə yüksəlib.
Yığmanın heyətində Anaxanım İsmayılova (48 kiloqram) qızıl medal qazanıb. Aynur Rzayeva (+81 kiloqram) gümüş, Marjona Savriyeva (50 kiloqram), Zeynəb Rəhimova (54 kiloqram), Aynur Mikayılova (57 kiloqram) və Emili Rzayeva (70 kiloqram) bürünc mükafata yiyələniblər.
Azərbaycan millisi fevralın 10-da Bakıya qayıdacaq.