Bakı, 9 fevral, AZƏRTAC
Qərbi Afrika Ölkələri İqtisadi Birliyi eyni gündə 135 əməkdaşını işdən azad edib.
AZƏRTAC xəbər verir ki, bu barədə heç kimə qabaqcadan xəbərdarlıq edilməyib. İşdən azad olunma barədə qərar əməkdaşların elektron poçtuna göndərilib. İxtisara düşənlərin hamısı Burkina-Faso, Mali və Nigerin təmsilçiləridir. Onların arasında iqtisadçılar və diplomatlar üstünlük təşkil edirlər.
Qeyd edək ki, yanvarın 9-da Burkina-Faso, Mali və Niger Qərbi Afrika Ölkələri İqtisadi Birliyini tərk edib. Hər 3 ölkə bu qərarını təşkilatın “Afrika xalqlarının tələblərinə cavab verməməsi” ilə əsaslandırıb.