Vəkillər Kollegiyasının rəhbərliyi vətəndaş qəbulu keçirib
Bakı, 18 yanvar, AZƏRTAC
Yanvarın 17-də Azərbaycan Vəkillər Kollegiyasının (ARVK) sədri Anar Bağırovun rəhbərliyi ilə vətəndaş qəbulu keçirilib.
AZƏRTAC xəbər verir ki, Bakı və paytaxt rayonlarından qəbula gələn vətəndaşların keyfiyyətli hüquqi yardımla bağlı müraciətləri dinlənilib, hər biri qeydiyyata alınıb.
Qəbulda vətəndaşlar tərəfindən qaldırılan hüquqi problemlərin həlli yolları müzakirə edilib, lazımi məsləhətlər verilib, habelə sədr məsələlərin bir qisminin həlli üçün tapşırıqlar verib, araşdırılmasına ehtiyac olan müraciətlər isə nəzarətə götürülüb.
Xatırladaq ki, ARVK-da vətəndaşların hüquqlarının müdafiəsi istiqamətində effektiv tədbirlərin görülməsi davam etdirilir. Kollegiya rəhbərliyinin qəbuluna yazılmaq istəyən vətəndaşlar ARVK Aparatına müraciət edə bilərlər.
Azərbaycan-Çin əlaqələrinə həsr olunmuş tədbir keçirilib
“Əmək bazarı” işçi qrupunun 2025-ci il üçün Fəaliyyət Planı müzakirə olunub
Beynəlxalq axtarışda olan şəxs ölkəmizə gətirilib
Ölkəmizin sosial xidmət sahəsinin nümayəndələri Türkiyə təcrübəsini öyrəniblər