×
A
A
A
Sazlamalar

"Qarabağ" Juninyonun "Flamenqo"ya keçdiyini açıqlayıb - RƏSMİ

Bakı, 15 yanvar, AZƏRTAC

"Qarabağ"dan ayrılan Olavio Juninyo “Flamenqo”ya transfer olunub.
Klubdan AZƏRTAC-a verilən məlumata görə, 28 yaşlı hücumçu Braziliya təmsilçisi ilə müqavilə imzalayıb.
2023-cü ilin yayından ağdamlıların formasını geyinən braziliyalı forvard bu müddətdə 81 oyunda 42 qol vurub. O, Premyer Liqada 48 (23 qol), ölkə kubokunda 6 (5 qol), avrokuboklarda 27 (14 qol) matç keçirib. Olavio "Qarabağ"la ölkə çempionu və kubokunun qalibi olub.
Braziliyanın "Flamenqo" klubu da Juninyonun keçidini təsdiqləyib.

İdman 2025-01-15 22:10:00