ADA Universitetinin tələbələri üçün “İdeya İnkubasiyası Proqramı”nın ikinci mərhələsi başlanır
Bakı, 15 yanvar, AZƏRTAC
ADA Universiteti Fondunun və “Azercell Telekom” MMC-nin ötən ildən etibarən birgə təşkil etdiyi “İdeya İnkubasiyası Proqramı”nın ikinci mərhələsinə start verilib.
Bu barədə AZƏRTAC-a universitetdən məlumat verilib.
Azərbaycanın startap ekosisteminin inkişafını dəstəkləyən proqram gənclərə yeni texnologiyaların tətbiqini öyrədəcək, onları real startap ekosisteminə hazırlayacaq. İştirakçılar öz ideyalarını layihələndirmək və reallaşdırmaq üçün lazım olan bilik və bacarıqlara yiyələnəcəklər, təcrübəli mentorlarla işləmək və ekosistem nümayəndələri ilə əməkdaşlıq qurmaq fürsəti əldə edəcəklər.
Layihəyə bu il 10 komanda cəlb ediləcək. ADA Universitetinin və “Azercell Telekom”un əməkdaşları yarım ilədək olan müddət ərzində komanda üzvlərinə mentorluq edəcək, gənclərə “Startap təfəkkürünün formalaşdırılması”, “İT layihə idarəetməsi”, “MVP hazırlanması”, “Uğurlu startap təqdimatların hazırlanması” kimi mövzularda təlimlər keçəcəklər.
Sonda qalib gələn komandaya 3500 manat pul mükafatı təqdim ediləcək. Eyni zamanda, uğurlu layihə təklifləri “Azercell Telekom” tərəfindən dəyərləndiriləcək və ideyaları ilə seçilən startapçılara təcrübə proqramında iştirak və ya iş fürsəti təqdim ediləcək.
Mərkəzi Elmi Kitabxananın Elmi-Metodiki Şurasının iclası keçirilib
AMEA Beynəlxalq Elmi Şuranın Baş Assambleyasının iclasında təmsil olunub
Kataliz və Qeyri-üzvi Kimya İnstitutu beynəlxalq əlaqələrini genişləndirir
Azərbaycanlı professor Moskva İslam İnstitutunun tələbə və müəllim heyətinə məruzə oxuyub