Bakı, 11 yanvar, AZƏRTAC

Azərbaycan 2026-cı ildə sumo üzrə dünya çempionatına ev sahibliyi edəcək.
AZƏRTAC xəbər verir ki, mundialın ölkəmizdə keçirilməsi barədə Polşanın Krotoşin şəhərində Beynəlxalq Sumo Federasiyası qərar qəbul edib.
Yapon Döyüş Növləri və Mədəniyyəti Assosiasiyası tərəfindən irəli sürülən namizədlik mübarizəsində Azərbaycan digər ölkələri qabaqlayaraq, dünya çempionatına ev sahibliyi hüququ qazanıb.