Mingəçevir, 10 yanvar, Vüsalə Cənnətova, AZƏRTAC
Mingəçevir şəhəri 29 min 414 ədəd yeni əkilən ağacla yaşıllaşdırılıb.
Mingəçevir Şəhər İcra Hakimiyyətindən AZƏRTAC-ın bölgə müxbirinə verilən məlumata görə, yaşıllıqların qorunub saxlanılması və bioloji müxtəlifliyin inkişafı məqsədilə ötən il şəhərdəki park və xiyabanlara, küçə və prospektlərin, magistral yolların kənarlarına, məhəllədaxili ərazilərə sərv, çinar, palıd, Eldar şamı, palma və meyvə ağacları, eləcə də 500 ədəd bəzək kolu, 33 min ədəd mövsümi gül-çiçək əkilib.
Mingəçevir şəhərinin yaşıllaşdırılması üçün işlər bu il də davam etdirilir. Müxtəlif ərazilərə 5 minə yaxın ağac tingi, 500 ədəd bəzək kolu, 44 min ədəd mövsümi gül-çiçək əkilməsi planlaşdırılır.