Bakı, 10 yanvar, AZƏRTAC

Birləşmiş Ərəb Əmirlikləri (BƏƏ) Somalidə daşqın qurbanlarına yardım üçün 700 ton ərzaq yardımı göndərib.
AZƏRTAC WAM agentliyinə istinadla xəbər verir ki, yardıma təxminən 150 min insanın ehtiyaclarını ödəmək üçün zəruri ərzaq paketləri daxildir.
Birləşmiş Ərəb Əmirliklərinin Somali Federativ Respublikasındakı səfiri Əhməd Cuma ölkəsinin zərərçəkmiş insanların bərpa prosesini sürətləndirməyə kömək edəcəyini bildirib.