İstanbul, 10 yanvar, Günel Karatepe, AZƏRTAC

Türk Dövlətləri Təşkilatının (TDT) Baş katibi Kubanıçbek Ömüraliyev Dubayda keçirilən “Dünya Turizm Liderləri” mükafatının təqdimetmə mərasimində “2024. Dünya Turizm Lideri” mükafatına layiq görülüb.
AZƏRTAC xəbər verir ki, mükafat baş katibin Türk dövlətləri arasında əməkdaşlığı təşviq etmək və regionun qlobal mövqeyini dəyişdirən yenilikçi turizm təşəbbüslərini irəlilətmək məqsədilə göstərdiyi xidmətlərə görə verilib.
Mükafat, eyni zamanda, Türk dövlətlərinin turizm sahəsində mənimsədiyi kollektiv yanaşma, beynəlxalq miqyasda rezonans doğuran davamlı, inklüziv və mədəniyyət baxımından zəngin layihələrin inkişafını tərənnüm edir.