Bakı, 8 yanvar, AZƏRTAC

Yeni Kaledoniyadakı proseslər zamanı baş verən hadisələr barədə şəkillər və videolar dostlarımız vasitəsilə bizə göndərilib. Lakin Fransanın bunun saxta olduğunu adlandırması reallığı əks etdirmir.
AZƏRTAC xəbər verir ki, bu barədə Bakı Təşəbbüs Qrupunun (BTQ) şöbə müdiri Elgün Hacıyev BTQ-yə qarşı əsassız iddialara cavab məqsədilə keçirilən mətbuat konfransı zamanı söyləyib.
O bildirib ki, Yeni Kaledoniyadakı hadisələr barədə BTQ-nin paylaşımlarını bəyənənləri və paylaşanları Fransa troll adlandırıb. Fransa, həmçinin BTQ-yə dəstək olanlara qarşı təzyiq göstərib. Bütün bunlar ifadə azadlığının pozulmasıdır.