Bakı, 13 dekabr, AZƏRTAC

Azərbaycan Respublikası Silahlı Qüvvələrinin ehtiyat şəxsi heyətinin yaradılması ilə bağlı yaş həddi azaldılır.
AZƏRTAC xəbər verir ki, bu məsələ Milli Məclisin Müdafiə, təhlükəsizlik və korrupsiya ilə mübarizə komitəsinin bu gün keçirilən iclasında müzakirəyə çıxarılmış “Hərbi vəzifə və hərbi xidmət haqqında” Qanuna edilməsi nəzərdə tutulan dəyişiklikdə əksini tapıb.
Hazırda ehtiyat şəxsi heyətinin yaradılması üçün rayon (şəhər) çağırış komissiyalarının qərarı ilə dinc dövrdə hərbi xidmətə yararsız sayılmış 18-35 yaş arası kişi cinsindən olan vətəndaşlar cəlb edilir. Eyni zamanda, “Azərbaycan Respublikasında hərbi xidmətə çağırışın Əsasları haqqında” Qanunun tələbləri və ya müvafiq icra hakimiyyəti orqanının fərmanlarına əsasən, həqiqi hərbi xidmətdən möhlət almış və 35 yaşına qədər hərbi xidmət keçməyən kişi və digər kateqoriyalardan olan vətəndaşlar da ehtiyat şəxsi heyətinə daxil edilirlər.
Yeni təklifə əsasən, ehtiyat şəxsi heyətinə cəlb ediləcək şəxslərin yaş həddi 35-dən 30-a endirilir. Bu dəyişiklik, Silahlı Qüvvələrin ehtiyat qüvvələrinin daha operativ və effektiv şəkildə təşkilini təmin etmək məqsədini daşıyır.