Vatikan, 13 dekabr, AZƏRTAC

Roma Katolik Kilsəsinin rəhbəri Papa Fransisk Korsika adasına apostol səfərinə gedəcək.
AZƏRTAC xəbər verir ki, bu barədə Müqəddəs Taxt-Tacın mətbuat xidməti məlumat yayıb.
Bildirilir ki, Roma Papası dekabrın 15-də Korsika adasında apostol səfərində olacaq. Pontifik səfər çərçivəsində dini konfransda iştirak edəcək, dindarlarla görüşəcək və 7000 möminin qarşısında çıxış edəcək. Bu, 87 yaşlı Fransiskin sayca 47-ci apostol səfəri, ziyarət etdiyi 67-ci ölkədir.
Eyni zamanda, bu, bir Papanın Korsika adasına ilk səfəridir.

Nihad Budaqov
AZƏRTAC-ın xüsusi müxbiri
Vatikan