Bakı, 11 noyabr, AZƏRTAC
Almaniyanın "Hoffenhaym" komandası baş məşqçisi Pelleqrino Matarazzo ilə yollarını ayırıb.
AZƏRTAC klubun rəsmi saytına istinadən xəbər verir ki, Bundesliqa təmsilçisi uğursuz nəticələrə görə ABŞ-dan olan 46 yaşlı mütəxəssislə vidalaşıb. Onu bu vəzifədə müvəqqəti olaraq Frank Frelinq ilə Benjamin Hübner əvəzləyəcəklər.
"Hoffenhaym" Bundesliqada 9 xalla turnir cədvəlinin 15-ci pilləsində qərarlaşıb.