Zaqatala, 11 noyabr, Mustafa Dadaşov, AZƏRTAC
11 Noyabr - Türk Dövlətləri Milli Ağac əkmə Günü münasibətilə Zaqatala rayonunda “Gələcəyə nəfəs” adı altında ağacəkmə aksiyası keçirilib.
Bu barədə AZƏRTAC-ın bölgə müxbirinə Zaqatala Rayon İcra Hakimiyyətindən məlumat verilib.
Bildirilib ki, aksiya çərçivəsində Əliabad və Muğanlı meşəbəyliklərinin ərazisində 3,5 hektar sahədə 8750 ədəd göyrüc tingi əkilib.
Aksiyada rayon icra hakimiyyətinin nümayəndələri, 8 saylı Regional Meşə Təsərrüfatı Mərkəzinin, 7 saylı Ekologiya və Təbii Sərvətlər İdarəsinin, Zaqatala Dövlət Qoruğunun əməkdaşları və könüllülər iştirak ediblər.