Bakı, 10 noyabr, AZƏRTAC

Misli Premyer Liqasında XIII tura yekun vurulub.
AZƏRTAC xəbər verir ki, günün son oyununda “Qarabağ” “Zirə” ilə qarşılaşıb. Görüş Ağdam təmsilçisinin 4:0 hesablı qələbəsi ilə başa çatıb.
Turun əvvəlki matçlarında “Neftçi” “Şamaxı” ilə (2:2), “Səbail” “Turan Tovuz”la (1:1), “Sabah” isə “Kəpəz”lə (2:2) heç-heçə edib, “Araz-Naxçıvan” isə “Sumqayıt”ı 1:0 hesabı ilə üstələyib.
Turnir cədvəlinə 31 xalla “Qarabağ” başçılıq edir. “Araz-Naxçıvan” 27 xalla 2-ci, 26 xala malik “Turan Tovuz” isə 3-cü pillədə qərarlaşıb.