Bakı, 10 noyabr, AZƏRTAC

İngiltərə Premyer Liqasında XI turun növbəti oyunları keçirilib.
AZƏRTAC xəbər verir ki, turnir cədvəlinin lideri “Liverpul” doğma meydanda “Aston Villa”nı 2:0, “Mançester Yunayted” isə “Lester”i 3:0 hesabı ilə üstələyib.
Digər oyunlarda “Tottenhem” “İpsviç”ə 1:2 hesabı ilə uduzub, “Nyukasl” isə “Nottinqem Forest”ə 3:1 hesabı ilə qalib gəlib.
Nəticələrdən sonra “Liverpul” 28 xalla turnir cədvəlinə başçılıq edir. “Mançester Siti” 23 xalla 2-ci, “Nottinqem Forest” isə 19 xalla 3-cü yerdə qərarlaşıb.