Gəncə, 8 noyabr, Vüsalə Cənnətova, AZƏRTAC

Gəncədə 8 noyabr - Zəfər Günü münasibətilə "Zəfərin mübarək, Azərbaycan!" adlı konsert proqramı keçirilir.
AZƏRTAC-ın bölgə müxbirinin verdiyi məlumata görə, Heydər Əliyev meydanında əsl bayram ab-havası yaşanır. Gəncə Şəhər İcra Hakimiyyətinin təşkilatçılığı ilə keçirilən konsert proqramını Vətən müharibəsi qaziləri, şəhər sakini böyük coşqu ilə izləyirlər. Yerli incəsənət ustalarının ifasında vətənpərvərlik mövzusunda musiqilər alqışlarla qarşılanır. Konsert proqramı möhtəşəm atəşfəşanlıqla yekunlaşacaq.