Laçın, 8 noyabr, AZƏRTAC

Laçın şəhərində 8 Noyabr - Zəfər Günü münasibətilə “Lacinema” kino mərkəzində konsert proqramı keçirilib.
AZƏRTAC-ın Laçına ezam olunan müxbiri xəbər verir ki, şanlı Zəfərimizin ildönümünə həsr olunmuş bayram konsertində Azərbaycan Respublikasının Əməkdar artistləri, Beynəlxalq Muğam Mərkəzinin tabeliyində fəaliyyət göstərən Cahangir Cahangirov adına xor kollektivi, Beynəlxalq müsabiqələr laureatı, istedadlı pianoçu və gənc solistlər, o cümlədən xanəndələr, aşıqlar iştirak edib, məktəblilərin iştirakı ilə milli rəqslər nümayiş olunub, şeirlər səsləndirilib.
Sonra Azərbaycanın Milli Qəhrəmanı Natiq Qasımova həsr olunmuş “Oğul” sənədli filmi nümayiş etdirilib.