Bakı, 7 noyabr, AZƏRTAC

“Qarabağ” UEFA Avropa Liqasında növbəti oyununu keçirib.
AZƏRTAC xəbər verir ki, Azərbaycan çempionu Liqa mərhələsinin IV turunda Norveçdə “Budyo-Qlimt”in qonağı olub. “Aspmüra” stadionunda oynanılan qarşılaşma Ağdam klubunun qələbəsi ilə başa çatıb - 2:1.
Hesabı 22-ci dəqiqədə baxımlı qolla Toral Bayramov açıb. Meydan sahibləri 41-ci dəqiqədə tarazlığı bərpa ediblər. Marks Berq fərqlənib. "Qarabağ"ın qələbə qoluna isə 69-cu dəqiqədə Abdullah Zubir imza atıb.
Bu, ağdamlıların Liqa mərhələsində ilk qalibiyyəti olub. "Qarabağ" bundan əvvəl keçirdiyi oyunlarda İngiltərə “Tottenhem”i ilə Niderland “Ayaks”ına 0:3, İsveçin “Malmö” kollektivinə isə 1:2 hesabı ilə uduzub.

23:17

UEFA Avropa Liqasının əsas mərhələsində Norveçdə “Budyo-Qlimt” və "Qarabağ" komandaları arasında keçirilən IV tur oyununda üçüncü qol vurulub.
AZƏRTAC xəbər verir ki, “Aspmüra” stadionunda oynanılan qarşılaşmanın 69-cu dəqiqəsində Abdulla Zubir komandamızı önə keçirib.
Görüşü portuqaliyalı FIFA referisi Luiş Qodinyo idarə edir.

22:55

UEFA Avropa Liqasının əsas mərhələsində Norveçdə “Budyo-Qlimt” və "Qarabağ" komandaları arasında keçirilən IV tur oyununda ikinci hissə başlayıb.
AZƏRTAC xəbər verir ki, “Aspmüra” stadionunda oynanılan qarşılaşmanın ilk yarısından sonra hesab bərabərdir - 1:1.
Görüşü portuqaliyalı FIFA referisi Luiş Qodinyo idarə edir.

22:38

UEFA Avropa Liqasının əsas mərhələsində Norveçdə “Budyo-Qlimt” və "Qarabağ" komandaları arasında keçirilən IV tur oyununda birinci hissə başa çatıb.
AZƏRTAC xəbər verir ki, komandalar “Aspmüra” stadionunda oynanılan qarşılaşmanın fəsiləsinə 1:1 hesablı heç-heçə ilə yollanıblar.
Görüşü portuqaliyalı FIFA referisi Luiş Qodinyo idarə edir.

22:27

UEFA Avropa Liqasının əsas mərhələsində Norveçdə “Budyo-Qlimt” və "Qarabağ" komandaları arasında keçirilən IV tur oyununda ikinci qol vurulub.
AZƏRTAC xəbər verir ki, “Aspmüra” stadionunda oynanılan qarşılaşmanın 41-ci dəqiqəsində rəqibin həyətində Patrik Berq fərqlənib.
Görüşü portuqaliyalı FIFA referisi Luiş Qodinyo idarə edir.

22:10

UEFA Avropa Liqasının əsas mərhələsində Norveçdə “Budyo-Qlimt” və "Qarabağ" komandaları arasında keçirilən IV tur oyununda hesab açılıb.
AZƏRTAC xəbər verir ki, “Aspmüra” stadionunda oynanılan qarşılaşmanın 22-ci dəqiqəsində Ağdam klubunun heyətində Toral Bayramov hesabı açıb.
Görüşü portuqaliyalı FIFA referisi Luiş Qodinyo idarə edir.
Qeyd edək ki, “Qarabağ” Liqa mərhələsində keçirdiyi əvvəlki 3 oyunda xal qazana bilməyib.

21:45

UEFA Avropa Liqasının əsas mərhələsində Norveçdə “Budyo-Qlimt” və "Qarabağ" komandaları arasında keçirilən IV tur oyunu başlayıb.
AZƏRTAC xəbər verir ki, “Aspmüra” stadionunda oynanılan qarşılaşma Bakı vaxtı ilə saat 21:45-də start götürüb.
Görüşü portuqaliyalı FIFA referisi Luiş Qodinyo idarə edir.
Qeyd edək ki, “Qarabağ” Liqa mərhələsində keçirdiyi əvvəlki 3 oyunda xal qazana bilməyib.