Bakı, 7 noyabr, AZƏRTAC

“Sabah”ın basketbolçusu Klavs Kavars FIBA Avropa Kubokunda 1 oyun ərzində 8 blokşot edərək turnirin rekorduna imza atıb.
AZƏRTAC xəbər verir ki, buna qədər turnirdə rekord 2017-ci ildə qeydə alınıb - 7 blokşot.
Həmçinin Kavars bu göstərici üzrə turnirin lideridir. O, hər oyunda orta hesabla 3.4 blokşot edib.
28 yaşlı mərkəz oyunçusu hər matçda orta hesabla 7.6 xal və 10.4 ribaundla fərqlənir.