Bakı, 6 noyabr, AZƏRTAC

“Neftçi” basketbol komandasının yeni baş məşqçisi məlum olub.
AZƏRTAC-ın əldə etdiyi məlumata görə, Bakı klubu müvəqqəti olaraq Omid Movahed Nejata tapşırılıb. İranlı mütəxəssis yeni baş məşqçi təyinatınadək “ağ-qaralar”a rəhbərlik edəcək. O, öz istəyi ilə istefa verən Anar Sarıyevin köməkçisi vəzifəsində çalışırdı.
O.Nejat daha əvvəl də “Neftçi”də işləyib. O, 2022-2023-cü illər mövsümünün ikinci yarısında komandaya başçılıq edib.