Bakı, 6 noyabr, AZƏRTAC
Azərbaycan Respublikası Gənclər və İdman Nazirliyində (AGİN) Anqolanın gənclər və idman nazirinin müavini Paulo Rodriqes da Silva ilə görüş olub.
AGİN-in mətbuat xidmətindən AZƏRTAC-a verilən məlumata görə, gənclər və idman naziri Fərid Qayıbov qonağa son illərdə Azərbaycanda bu sahədə görülən işlər, qazanılan uğurlar barədə məlumat verib, ölkələr arasında ikitərəfli əlaqələrin inkişaf etdirilməsinin əhəmiyyətini vurğulayıb.
Görüşdə Azərbaycan ilə Anqola arasında ikitərəfli əməkdaşlıq əlaqələri müzakirə olunub.