Bakı, 5 noyabr, AZƏRTAC

Azərbaycanda keçirilən bu tədbirdə olmaq böyük şərəfdir. Azərbaycan dövlətinə, xüsusilə Prezident İlham Əliyevə bütün təşəbbüslərinə görə səmimi-qəlbdən təşəkkür edirəm.
AZƏRTAC xəbər verir ki, bu sözləri Xalkidonun baş mitropoliti Emmanuel Adamakis (Fransa) Dünya dini liderlərinin qlobal Bakı Sammitində söyləyib.
"İqlim dəyişikliyi özündə mənəvi amilləri birləşdirən bir məsələdir. Biz dünyamızı Allahın bir neməti kimi görürük. Bu da fundamental qaydalarda ekoloji tarazlığın bərpasında əhəmiyyətli addımdır", - deyə Xalkidonun baş mitropoliti vurğulayıb.
O deyib: “Biz dinlərarası məsələlərdə iqlim dəyişikliyinin təsirlərini azaltmaq üçün birlikdə çalışmalıyıq. Çünki bizim verdiyimiz qərarlar gələcək nəsillərə də təsir edir. Birlikdə hərəkət edərək, daha yaşıl və davamlı bir gələcək yarada bilərik”.