Rabat, 15 oktyabr, Çüayib Brhadda, AZƏRTAC

İtaliyanın paytaxtı Romada Ümumdünya Ərzaq Forumu təşkil olunub. “Hər kəs üçün bu gün və sabah qida” devizi altında keçirilən forum ərzaq təhlükəsizliyi sahəsindəki innovasiyalar, elmi tədqiqatlar və investisiyalar məsələlərini əhatə edir.
AZƏRTAC xəbər verir ki, bu forum müxtəlif dövlətlərin rəhbərlərini və digər yüksəkvəzifəli rəsmiləri bir araya gətirir. Mərakeşin BMT-dəki daimi nümayəndəsi Yusif Bella, BMT-nin Ərzaq və Kənd Təsərrüfatı Təşkilatının (FAO) baş direktoru Qu Donqyu və Ümumdünya Ticarət Təşkilatının (ÜTT) baş direktoru xanım Nqozi Okonyo-İveala da forumda iştirak ediblər.