Naxçıvan, 9 oktyabr, AZƏRTAC

Naxçıvan Muxtar Respublikası Ali Məclisi sədrinin birinci müavini Bəxtiyar Məmmədov Ordubad rayonuna gəlib.
Ali Məclisin mətbuat xidmətindən AZƏRTAC-ın Naxçıvan bürosuna bildirilib ki, əvvəlcə rayon mərkəzində Ümummilli Lider Heydər Əliyevin abidəsi, Şəhidlər xiyabanında Vətən oğullarının məzarları ziyarət edilib, önünə gül dəstələri düzülüb.
Ali Məclis sədrinin birinci müavini Ordubad şəhərində zirzəmi ilə birlikdə 8 mərtəbədən ibarət olan binada Vətən müharibəsi qazisi və Çernobıl əlili üçün nəzərdə tutulan ikiotaqlı mənzillərdə, XVII əsrə aid Cümə məscidində və “Sahil” mehmanxanasının ərazisində aparılan işlərlə tanış olub.
Sonra Bəxtiyar Məmmədov rayon mərkəzindəki Rabitə evində seçiciləri ilə görüşüb. Görüşdə vətəndaşların problemləri dinlənilib, onları narahat edən məsələlərin həlli yollarına dair təkliflər səsləndirilib, fikir mübadiləsi aparılıb.