Bakı, 3 oktyabr, AZƏRTAC

Bu gün saat 19:00 radələrində metronun “Ulduz” stansiyasında sərnişin qatar yoluna düşüb.
“Bakı Metropoliteni” QSC-dən AZƏRTAC-a bildirilib ki, dərhal təmas relsindən yüksək gərginlik çıxarılıb, təcili və təxirəsalınmaz Təcili Tibbi Yardım Xidməti dəvət olunub.
Sərnişin stansiya yolundan çıxarılıb. Təmas relsinə yüksək gərginlik verilib, qatar yola salınıb. İntervaldan əlavə 24 dəqiqə yubanma yaranıb.
Hazırda Yaşıl və Qırmızı xətlərdə hərəkət intervalların tənzimlənməsi və qrafik üzrə yubanmanın aradan qaldırılması işləri aparılır.